Sumqayıtın nəqliyyat sistemində yenilik - MDB-də bir ilk - FOTO

Dövlət Avtomobil Nəqliyyatı Xidmətinin Sumqayıt Regional şöbədəsində mətbuat nümayəndələrinin və marşrut sahiblərinin iştirakı ilə avtobuslarda QR Code tətbiqi ilə bağlı təqdimat mərasimi keçirilib. Nəqliyyatı İntellektual İdarəetmə Mərkəzindən Azərtac-a bildirilib ki, bu yenilik Azərbaycanla yanaşı hətta MDB-də bir ilkdir. DANX Sumqayıt regional şöbəsinin mətbuat katibi Səidə Bəkirqızı qeyd edib ki, Sumqayıtda fəaliyyət göstərən şəhərdaxili marşrutların (1dən – 35-ə qədər) hamısında QR Code quraşdılacaq. “QR Code hazırda ən geniş və sürətlə yayılan informasiya daşıyıcı növüdür. Əgər sürücü iş zamanı sərnişinlərlə kobud rəftar edərsə, mobil telefonla danışarsa, siqaret çəkərsə, avtomobili yüksək surətlə idarə edərsə bu qurğu vasitəsi ilə dərhal məlumat mərkəzinə informasiya göndəriləcək. Məlumat mərkəzində daxil olan informasiya təhlil ediləcək və müvafiq tədbirlər həyata keçiriləcək. Əgər bir marşrut xəttindən çoxsaylı şikayətlər olarsa, həmin marşrutun lisenziyası ləğv ediləcək və xətt başqa sahibkara veriləcək”, - deyə o vurğulayıb.

Dövlət Avtomobil Nəqliyyatı Xidmətinin Sumqayıt regional şöbəsinin rəisi Anar Səfərli isə çıxışında Sumqayıtın nəqliyyat sisteminin daha da yaxşılaşdırılması istiqamətində vacib tədbirlərin həyata keçiriləcəyindən danışıb. A. Səfərli qeyd edib ki, yeniliyin yaxın müddətdə tətbiqinə başlanılacaq.
Proqramın əsas mahiyyəti barəsində danışan layihə rəhbəri Ziya Əsgərov bildirib ki, QR Code marşrut avtobuslarda sərnişinlərin görə biləcəyi yerə yapışdırılacaq: "Proqram Android ve İOS tipli telefonlar tərəfindən dəstəklənir. Bu proqramda sürücülər haqqında geniş informasıya bazası formalaşdırılacaq. Sərnişinlər mobil tətbiqetməni telefonlarına yükləyəcək. Əgər sürücü hansısa neqativ hallara yol verərsə, sərnişin telefonunu marşrutda yapışdırılan QR Code istiqamətinə yönləndirəcək. Belə olduğu təqdirdə sərnişinin telefonunda avtomatik proqram açılacaq. Şikayətçi adını, soyadını, əlaqə telefonunu və şikayətin məzmunu haqqında informasiyanı əlavə edib məlumat mərkəzinə ötürəcək. Bu informasiya avtomatik məlumat mərkəzinə daxil olacaq. Məlumat Mərkəzində sürücü haqqında informasiya bazasına baxılacaq. Və problemin dərhal aradan qaldırılması istiqamətində əməli tədbirlər həyata keçiriləcək. Bunula yanaşı, gələcəkdə Dövlət Avtomobil Nəqliyyatı Xidmətinin Sumqayıt regional şöbəsinin veb səhifəsi də yaradılacaq ki, bu informasiya resursunda sərnişinin dərhal şikayəti yerləşdiriləcək və müvafiq tədbirin görülməsi haqqında ona məlumat veriləcək.”
Layihə rəhbəri müraciət edilərsə Bakıda və digər regionlarda da bu yeniliyin tətbiq edilməsinin mümkünlüyünü vurğulayıb.

Tarix
7 Oktyabr [00:03]
Müəllif
Ucnoqta.az
Digər xəbərlər

"Opel" şirkəti satıldı

Fransanın "PSA Group" şirkəti "Opel"i "General Motors"dan 2.2 milyard avroya satın aldı

Nəqliyyatın icbari sığortasını onlayn etmək imkanı

Sığortanın qüvvəyə minmə tarixi sistem tərəfindən avtomatik təyin edilir

"General Motors" 1000-dən çox iş yerini ixtisar edəcək

Yanvar ayında artıq 2 min iş yeri azaldılıb

Trampa güllə keçirməyən xüsusi avtomobil ayrıldı - FOTO

8 ton ağırlığındakı "The Beast"ın polad qapılarının qalınlığı 20,3 santimetrdir

Dubayda bu ölkənin ilk "uçan avtomobil"i nümayiş etdirilib - VİDEO

Yeni avtomobil sərnişinləri yaxın məsafəyə daşımaq üçün nəzərdə tutulub

Unikal "Lamborghini" traktoru hərraca çıxarılacaq - FOTO

Traktorun ilkin satış qiyməti təqribən 26 min avrodan başlayacaq

"Ferrari" Formula 1-in səhmlərini satın almaq istəyir

Liberty Media səhmlərin bir hissəsini 400 milyon dollar qarşılığında satmağı planlaşdırır

"Uber" "pilotsuz taksi"nin yaradılmasına dair müqavilə bağlayıb

Pilotsuz avtomobillər xidmətin işini irəli aparacaq

Azərbaycanlılar təzə və bahalı, ermənilər isə köhnə maşınlar alırlar - REPORTAJ

Gürcüstanda avtomobillərin rəsmiləşdirilməsi elə bazarın daxilindəki idarədə həyata keçirilir

"Volkswagen" satış həcminə görə dünya lideri olub

Almaniya konserni əvvəlki lider Toyotanı qabaqlayıb
Xəbər xətti
Çox oxunanlar
Köşə yazıları
Sorğu
İşğal altında olan torpaqların hansı yolla qaytarılmasına tərəfdarsan?
 müharibə
 sülh
 bilmirəm
Maraqlı

Bakı şəh,Yasamal rayonu,

Mikayıl Müşfiq küç 15/17

Tel: (012) 539-19-05,539-19-04

Email: [email protected]

Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.