Azərbaycanın aldığı ikimərtəbəli qatarların qiyməti bəlli olub

"Azərbaycan Dəmir Yolları" QSC dəmir yolu nəqliyyatının inkişaf proqramının reallaşdırılması çərçivəsində İsveçrənin "Stadler Rail" şirkətindən 5 ikimərtəbəli elektrik qatarı almaq qərarına gəlib. Bu qatarlar Bakı-Sumqayıt-Bakı dairəvi dəmir yolunda istismar üçün nəzərdə tutulub. Qatarlar Azərbaycanın bütün normativlərinə cavab verir və ölkənin şəhərətrafı rabitəsi üçün yeni standart olacaq. Bunu "Report"a açıqlamasında "Stadler Rail"in Mərkəzi Asiya üzrə marketinq və satış direktoru Dirk Şaybner (Dirk Scheibner) bildirib.

Onun sözlərinə görə, Azərbaycan bu qatarları ölkədə keçiriləcək beynəlxalq yarışlarda da istifadə edə bilər.
"KİSS" markalı bu qatarlarda ümumi sərnişin tutumu 919 nəfər, oturacaqların sayı isə 396-dır. Bunun 84-ü biznes sinfinə aiddir. Bu dördvaqonlu qatarlar əhalinin yüksəkkeyfiyyəlti ictimai nəqliyyata artan tələbatını ödəyə bilər. Bu qatarların üstünlüyü ondan ibarətdir ki, onlar çox uzun deyil, yəni relslərdə az yer tutur. Odur ki, onların ardıcıllığını da artırmaq mümkündür. Bu qatarlar çox sayda sərnişin daşınmasına və ya şəhərləri birləşdirməyə də imkan yaradır. Əgər tələbat artarsa, əlavə qatarların göndərilməsi mümkün olacaq", - D.Şaybner bildirib.
O, qatarlara dair müqavilənin dəyərinin təxminən 4,5 mln. avro olduğunu (1 qatar üçün 900 min avro) deyib.
Qeyd edək ki, Bakı-Keşlə-Biləcəri-Xırdalan-Sumqayıt xəttində elektrik qatarları əvvəllər mənzil başına 1 saat 22 dəqiqəyə çatırdısa, yenidənqurma işlərindən sonra bu vaxt yeni qatarlar sayəsində 40 dəqiqə olacaq. Artıq 5 qatardan 3-ü Bakıdadır, qalan iki qatar isə hazırda "Stadler Rail"in Minskdəki zavodundadır və bu ilin sonunda ölkəyə gətirilməsi nəzərdə tutulub.
Qeyd edilən istiqamətdə qatarlar saat 06:00-dan 12:00-dək Bakıdan və Sumqayıtdan 30 dəqiqə intervalı ilə çıxacaq. Saat 12:00-dan 16:00-dək aralığında interval 1 saat, 16:00-dan 24:00-dək isə 30 dəqiqə olacaq. İntervalın tətbiqi gün ərzində sərnişin sıxlığına uyğun olaraq müəyyən edilib.
Dairəvi dəmir yol üzərində ümumilikdə 23 stansiya və dayanacağın olması planlaşdırılır. Daha sonra Bakı-Xırdalan-Sumqayıt marşrutu üzrə hərəkət edən elektrik qatarları dairəvi dəmir yolu xətti ilə hərəkət edəcək. Belə ki, Sumqayıtdan Abşeron rayonunun Saray, Goradil, Fatmayı, Pirşağı, Kürdəxanı, Zabrat, Sabunçu, Bakıxanov qəsəbələrini əhatə edən marşrutun istifadəyə verilməsi planlaşdırılır və bu şəkildə Bakı-Sumqayıt-Bakı dairəvi dəmir yolu olacaq.
Elektrik qatarlarına biletləri sərnişinlər vağzallarda kassadan və terminallara pul ödəməklə alacaqlar.

Tarix
9 Sentyabr [16:35]
Müəllif
Ucnoqta.az
Digər xəbərlər

"Opel" şirkəti satıldı

Fransanın "PSA Group" şirkəti "Opel"i "General Motors"dan 2.2 milyard avroya satın aldı

Nəqliyyatın icbari sığortasını onlayn etmək imkanı

Sığortanın qüvvəyə minmə tarixi sistem tərəfindən avtomatik təyin edilir

"General Motors" 1000-dən çox iş yerini ixtisar edəcək

Yanvar ayında artıq 2 min iş yeri azaldılıb

Trampa güllə keçirməyən xüsusi avtomobil ayrıldı - FOTO

8 ton ağırlığındakı "The Beast"ın polad qapılarının qalınlığı 20,3 santimetrdir

Dubayda bu ölkənin ilk "uçan avtomobil"i nümayiş etdirilib - VİDEO

Yeni avtomobil sərnişinləri yaxın məsafəyə daşımaq üçün nəzərdə tutulub

Unikal "Lamborghini" traktoru hərraca çıxarılacaq - FOTO

Traktorun ilkin satış qiyməti təqribən 26 min avrodan başlayacaq

"Ferrari" Formula 1-in səhmlərini satın almaq istəyir

Liberty Media səhmlərin bir hissəsini 400 milyon dollar qarşılığında satmağı planlaşdırır

"Uber" "pilotsuz taksi"nin yaradılmasına dair müqavilə bağlayıb

Pilotsuz avtomobillər xidmətin işini irəli aparacaq

Azərbaycanlılar təzə və bahalı, ermənilər isə köhnə maşınlar alırlar - REPORTAJ

Gürcüstanda avtomobillərin rəsmiləşdirilməsi elə bazarın daxilindəki idarədə həyata keçirilir

"Volkswagen" satış həcminə görə dünya lideri olub

Almaniya konserni əvvəlki lider Toyotanı qabaqlayıb
Köşə yazıları
Sorğu
İşğal altında olan torpaqların hansı yolla qaytarılmasına tərəfdarsan?
 müharibə
 sülh
 bilmirəm
Maraqlı

Bakı şəh,Yasamal rayonu,

Mikayıl Müşfiq küç 15/17

Tel: (012) 539-19-05,539-19-04

Email: [email protected]

Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.