Ana səhifə
18 Noyabr 2018

Fransada Azərbaycana həsr olunan mədəni tədbirlər keçiriləcək

Emil Əfrasiyab Kolmar Caz Festivalının 20-ci buraxılışının açılış konsertində çıxış edəcək

 

 

Bu ilin mayın 19-da Şəki ilə Fransanın Kolmar şəhəri arasında “Dostluq və əməkdaşlıq Xartiyası imzalanıb”, bununla da təməli hələ 2013-cü ildə qoyulmuş əlaqələr daha da möhkəmləndirilib.

Mədəniyyət yalnız bir ölkəni tanıdan bir element deyil. Mədəniyyət həm də xalqları bir-birinə yaxınlaşdıran və onların arasındakı dialoqu möhkəmləndirən ən güclü vasitədir. Bu səbəbdən də Avropa Azərbaycan Cəmiyyəti (TEAS) Kolmar meriyası ilə birgə cari ilin sentyabrın 7-dən 12-dək bu şəhərdə bir sıra mədəni tədbirlər təşkil edəcək. Əvvəlcə sentyabrın 7-də Azərbaycanın tanınmış caz ifaçısı Emil Əfrasiyab Kolmar Caz Festivalının 20-ci buraxılışının açılış konsertində çıxış edəcək. Konsert yerli “TV7” kanalı ilə canlı yayımlanacaq.

Emil Əfrasiyab həmin konsertdə fransız musiqiçilərindən ibarət kvartetlə - Rafael Pannier (zərb alətləri), Antuan Katz (bas) və Aleksandr Madlinlə (saksofon) birgə çıxış edəcək.

Emil artıq bu kvartetlə TEAS-ın dəstəyi ilə bu il Parisdə keçirilən məşhur “Jazz à Saint-Germain-des-Prés” və Reims şəhərində keçirilən “Sunnyside” festivallarında çıxış edib.

Sentyabrın 8-dən 12-dək Kolmarın Edmond Gerrer adına mediatekasında isə “Azərbaycan obyektivdə” adlı fotosərgi keçiriləcək. Sərginin məqsədi Azərbaycanın mədəniyyəti, təbiəti, tarixi və ictimai həyatının müxtəlif cəhətlərini Kolmar sakinlərinə tanıtmaqdır. Sərgidə nümayiş olunacaq şəkillər TEAS tərəfindən 2012-ci ildə təşkil olunmuş eyniadlı fotomüsabiqənin məhsuludur. Xatırladaq ki, 150-dən çox fotoqraf həmin müsabiqəyə 750-dək foto göndərmişdi. Münsiflər heyəti “Condé Nast Traveller” jurnalının foto direktoru Karolin Metkalf və məşhur fotoqraf Henri Dallaldan ibarət idi.

 

 

Tarix
29 İyul 2015 [18:59]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin