Bazar ertəsi ABŞ prezidenti Donald Trampın andiçmə mərasiminin yayımını 24 milyondan çox televiziya tamaşaçısı izləyib.
Ucnoqta.az xəbər verir ki, bu barədə çərşənbə axşamı Nielsen analitik şirkəti məlumat yayıb.
Hesablamalara görə, yerli vaxtla səhər saat 10:30-dan axşam 19:00-a kimi Trampın dövlət başçısı kimi andiçmə mərasiminin yayımını orta hesabla 24,6 milyon insan izləyib. Tədbir 15 televiziya şirkəti tərəfindən canlı yayımlanıb.
Nielsen məlumatlarına görə, dörd il əvvəl Trampın sələfi Co Baydenin andiçmə mərasimini 33,8 milyon tamaşaçı izləyib. 2017-ci ildə Trampın vəzifəyə başlamasını təxminən 31 milyon insan izləyib.