Ana səhifə
20 Sentyabr 2018

“Bunlar səhv yoldadırlar”

"Azərbaycanda müxalifətin siyasi iflasa uğraması hamıya məlumdur və bu, bir neçə ildir davam edən bir prosesə çevrilib". 
 

 

Ucnoqta.az xəbər verir ki, bunu Trend-ə açıqlamasında baş nazirin müavini, Yeni Azərbaycan Partiyasının sədr müavini-icra katibi Əli Əhmədov Müsavat Partiyası və AXCP daxilində baş verən gərginliyə və istefalara münasibət bildirərkən deyib. Ə.Əhmədov bildirib ki, vətəndaşların müxalifət partiyalarına inanmaması, etimad göstərməməsi müxalifətin siyasi iflasının bariz nümunəsidir və hər bir Azərbaycan vətəndaşı illərdir ki, bunun şahididir: "İndi iflas prosesi müxalifət partiyalarının daxilinə keçib. Bunun aydın ifadəsini bu gün müxalifət partiyalarının içərisində olan proseslərdə müşahidə etmək olar. Özü də bu, təkcə Müsavat Partiyasında deyil, AXCP-də də aydın şəkildə müşahidə olunmaqdadır".

Onun fikrincə, bu, onun göstəricisidir ki, bu partiyaların indiki şəkildə, indiki ideoloji baxışlar çərçivəsində mövcud olmasının mənasızlığını artıq həmin partiyalarda fəaliyyət göstərən insanlar da dərk etməyə başlayıblar: "Onlar partiya daxilində çəkişmələri ilə sübuta yetirirlər, öz aralarında etiraf etmiş olurlar ki, bunlar səhv yoldadırlar. Birincisi, ideoloji baxımdan, ikincisi də apardıqları mübarizə metodları baxımından səhv yoldadırlar. İnkarçılıq, qərəzçilik heç bir siyasi təşkilata heç zaman uğur gətirməyib və nəticə etibarilə istər Müsavat Partiyasında olan insanların əksəriyyəti, istər AXCP-də fəaliyyət göstərən insanlar dərk etməyə başlayıblar ki, apardıqları mübarizə metodları təkcə cəmiyyət üçün deyil, həmin partiyaların özləri üçün də ziyanlıdır. Bu dərketmə bu gün həmin partiyaların daxilində baş verən proseslərin əsasını təşkil edir".

 

Tarix
24 Oktyabr 2014 [10:01]
Müəllif
Üç nöqtə
Digər xəbərlər
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin