«Marina Durundanın gümüş medalı qızıla bərabərdir»

Altay Həsənov: «Biz özümüzə inanırdıq»

 

“Yorulmaz əmək, istedadlı idmançılar və məşqçilər, Azərbaycan Gimnastika Federasiyasının və şəxsən Federasiya Prezidenti Mehriban Əliyevanın dəstəyi Azərbaycan gimnastlarının ölkəmizdə keçirilən birinci Avropa Oyunlarında gözəl çıxışlarına xidmət etdi». Bunu Azərbaycan Gimnastika Federasiyasının vitse prezidenti Altay Həsənov deyib: “Biz özümüzə inanırdıq və bu, baş verdi. Bədii gimnastikada böyük rəqabət var. Nəhayət, biz xidmət etdiyimiz nəticəyə nail olduq”.

 

A.Həsənov qeyd edib ki, gimnastika idmanın subyektiv növüdür və hakimlik burada böyük əhəmiyyət kəsb edir. Hakimlərin Azərbaycan gimnastları ilə bağlı qeyri-obyektiv qiymətləndirməsinə qarşı tamaşaçıların etirazına münasibət bildirən A.Həsənov vurğulayıb ki, tez-tez hakimlərin səhvləri və qeyri-obyektivlik idmançıların çıxışlarına mane olur. Federasiyanın vitse-prezidentinin sözlərinə görə, ildən-ilə Azərbaycanda gimnastikaya münasibət dəyişir, tamaşaçılar bu idman növünü daha yaxşı anlayır:

 

“Daha çox tamaşaçılar yarışlara gəlir və gimnastikanı, o cümlədən bədii gimnastikanı daha yaxşı anlayır. Bu, çox sevindiricidir. Hakimlər qeyri-obyektiv olan zaman tamaşaçılar bunu başa düşür və öz etirazlarını bildirirlər. Bu, bütün dünyada baş verən təbii prosesdir”.

 

Onun sözlərinə görə, Marina Durundanın bədii gimnastika üzrə qazandığı gümüş medal qızıla bərabərdir: “Rusiya gimnastları dünyanın ən güclüləridir. Ona görə də gümüş bizim üçün qızıla bərabərdir. Biz bu gün çox xöşbəxtik ki, nəhayət buna nail olduq”.

 

A.Həsənov Avropa Oyunları çərçivəsində gimnastika yarışlarını işıqlandırdığına görə Trend İnformasiya Agentliyinə öz təşəkkürünü bildirib: “Həmişə bizimlə birgə olan Trend-ə sağ ol deyirəm. Layiqli qələbəyə görə hamımızı təbrik edirəm”.

Tarix
22 İyun 2015 [17:49]
Müəllif
Üç nöqtə
Digər xəbərlər
2015-06-22 17:49:27
Xəbər xətti
Foto
Video
Çox oxunanlar
Sorğu
Yayda istirahətə harada üstünlük verirsiz?
 Azərbaycanda
 Xarici ölkədə
 İstirahət etmirəm
KİV
Virtual Qarabağ

Ən son xəbərləri səhifəmizdən də izləyin