Ana səhifə
21 İyun 2018

Türkiyə Suriya sərhədinə hərbi texnika göndərib

Türkiyə Suriya ilə sərhədə hərbi texnika göndərib.

 

Trend-in "Haber7" telekanalına istinadən verdiyi məlumata görə, hərbi texnikadan başqa, Türkiyə Hərbi Hava Qüvvələri də tam döyüş hazırlığı vəziyyətindədir.
Qeyd edək ki, ötən gün Türkiyə parlamenti ölkənin Silahlı Qüvvələrinin xaricdə hərbi əməliyyatlarda iştirakına icazə verib.
Mandatın lehinə 396 deputatdan 298-i, əleyhinə isə 98-i səs verib.
Hakim Ədalət və İnkişaf Partiyası (AKP) və Milliyyətçi Hərəkat Partiyası (MHP), eləcə də ölkə Prezidenti Rəcəb Tayyib Ərdoğan icazə sənədini dəstəkləyib.
Türkiyənin Baş naziri Əhməd Davudoğlu "A Haber" telekanalına müsahibəsində bildirmişdi ki, Türkiyə Suriyanın kürdlər yaşayan Kobaniyyə yaşayış məntəqəsini "İslam Dövləti" terror təşkilatının yaraqlılarından qorumaq niyyətindədir.
Onun sözlərinə görə, Türkiyə qanunvericiliyinə edilən son dəyişikliklərə əsasən, ölkənin Silahlı Qüvvələri digər dövlətlərin ərazisindəki hərbi əməliyyatlarda iştirak etmək hüququna malikdir.
Baş nazir həmçinin qeyd edib ki, dövlət ölkə parlamentinin Türkiyə SQ-yə Suriya və İraq ərazisindəki hərbi əməliyyatlarda iştirak etmək hüququ verən mandatı təsdiqləməsindən faydalanmaq niyyətindədir.

 

Tarix
3 Oktyabr 2014 [18:21]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin