Ana səhifə
17 Noyabr 2018

Azərbaycana bananla "Ebola" gəlməsinə rəsmi - Açıqlama

"Ebola" virusu təhlükəsinin bütün dünyanı silkələdiyi bir vaxtda, Azərbaycan xalqı da bu virusdan narahat olmağa başlamışdı. Narahatçılıq, xüsusilə, xaricdən gətirilən meyvələr, əsasən də bananla bağlı idi. LakinAzərbaycan Səhiyyə Nazirliyi Respublika Taun Əleyhinə Stansiyanın direktor müavini Şair Qurbanov bəyan edib ki, banan vasitəsilə Ebola virusunun Afrika ölkələrindən Azərbaycana gətirilməsi mümkün deyil.

 

Ucnoqta.az –ın xəbərinə görə, O, Trend-ə bildirib ki, yalnız bananla deyil, kofe ilə bağlı da insanlar arasında belə narahatlıq yarana bilər. Amma bananda olduğu kimi, kofe ilə də virusun ölkəyə gətirilməsi mümkün deyil: “Bəlkə insanlar fikirləşirlər ki, Afrika ölkələrində insanların əlləri banana, kofeyə dəyib, virus da onda qalıb. Bu, mümkün deyil, nə viruslar, nə də bakteriyalar açıq havada çox yaşaya bilməz”.

Kənd Təsərrüfatı Nazirliyi yanında Dövlət Fitosanitar Nəzarəti Xidməti Respublika Nəzarət Toksikologiya Laboratoriyasının rəhbəri Yaqub İbrahimov da Trend-ə bildirib ki, meyvə ilə virusun ölkəyə gətirilməsi mümkün deyil.

O qeyd edib ki, rəhbəri olduğu laboratoriya tərəfindən ölkəyə gətirilən bananların tərkibində ona verilən gübrənin və ağır metalların miqdarı yoxlanılır. Əgər bu göstəricilər normadan artıq olursa, onda onların satılmasının qarşısı alınır.

Bananın insan orqanizmi üçün faydalı olduğunu, xüsusilə uşaqların immunitetini qaldırdığını deyən Y.İbrahimov bildirib ki, hazırda ölkəyə gətirilən bananların tərkibi normaldır və onlarla bağlı narahatlığa əsas yoxdur.

Qeyd edək ki, son bir neçə gündə Azərbaycanda əhali arasında bananların Ebola virusuna yoluxmaya səbəb olması barədə şayiələr dolaşır.

 

Tarix
21 Oktyabr 2014 [12:17]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin