Arvadını öldürən hakim və qayınatası Ali Məhkəməyə müraciət edib

Bakıda arvadını öldürməkdə təqsirli bilinərək 7 il azadalıqdan məhrum edilmiş sabiq məhkəmə hakimi Fəqan Əhmədov və zərərçəkmiş şəxsin hüququ varisi Süleyman Quliyev apellyasiya məhkəməsinin qərarından kassasiya şikayəti verib.

Ali Məhkəməyə göndərilən şikayət ərizəsində hadisənin qəsdən törədilmədiyi bildirilib, Fəqan Əhmədovun əməlinin Cinayət Məcəlləsinin 120.1-ci(qəsdən adam öldürmə) 124.1-ci (ehtiyatsızlıqdan adam öldürmə) maddəsinə tövsif edilməklə, barəsində həbslə bağlı olmayan cəza təyin olunması xahiş olunub.

Kassasiya şikayətində Fəqan Əhmədovun yetkinlik yaşına çatmayan 3 övladının hadisədən sonra psixi gərginlik yaşadıqları, təqaüdçü nənə-babalarının uşaqlara baxmaqda çətinlik çəkdikləri bildirilib.

İttiham olunan sabiq hakim və qayınatası göstərilən halları nəzərə alaraq yüksək instansiya məhkəməsi tərəfindən humanist qərar qəbul ediləcəyinə ümid etdiklərini vurğulayıblar.

Xatırladaq ki, Bakı şəhəri Sabunçu rayon Məhkəməsinin hakimi Əhmədov Fəqan Rövşən oğlunun 30 may 2021-ci il tarixdə, saat 23 radələrində Bakı şəhəri Sabunçu rayonu, Nardaran qəsəbəsi, “Ləhiş bağları” adlanan yaşayış massivində birgə yaşadıqları evdə şəxsi münasibətlər zəminində aralarında yaranmış mübahisə zamanı özünə məxsus ov tüfəngindən atəş açaraq arvadı Pərvanə Əhmədovanı qəsdən öldürməsinə əsaslı şübhələr müəyyən edilib.

Hadisə ilə bağlı Fəqan Əhmədov barəsində Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb. Bakı Ağır Cinayətlər Məhkəməsinin hökmü ilə Fəqan Əhmədov qəsdən adam öldürməkdə təqsirli bilinərək 10 il müddətinə azadlıqdan məhrum edilib.
Sonradan Bakı Apellyasiya Məhkəməsi Fəqan Əhmədovun həbs müddətini 7 ilə endirib.///apa

Tarix
10 Avqust 2022 [13:43]
Müəllif
Üç nöqtə
2022-08-10 13:43:36
Xəbər xətti
Foto
Video
Çox oxunanlar
Sorğu
İnternetin sürətindən razısınız?
 bəli
 xeyr
 qismən
 bilmirəm
Virtual Qarabağ

Ən son xəbərləri səhifəmizdən də izləyin