Ana səhifə
19 Sentyabr 2018

Zakir Həsənov Azərbaycan ordusunu təbrik etdi

Azərbaycanın müdafiə naziri 18 oktyabr - Dövlət müstəqilliyi günü münasibətilə Silahlı Qüvvələrin şəxsi heyətini təbrik edib.

 

Ucnoqta.az Müdafiə Nazirliyinin rəsmi saytına istinadən xəbər verir ki, Silahlı Qüvvələrimizin zabit, gizir, miçman, çavuş, əsgər və matroslarını 18 oktyabr - Dövlət Müstəqilliyi Günü münasibətilə səmimi-qəlbdən təbrik edən müdafiə naziri general-polkovnik Zakir Həsənov bildirib ki, dövlət müstəqilliyinin əldə edilməsi xalqımızın ən böyük nailiyyətlərindən biridir.

 

O, qeyd edib ki, əldə edilmiş müstəqilliyin, vətəndaş birliyinin, həmrəyliyin, sabitliyin qorunub saxlanılması, Azərbaycanın müstəqil dövlət olaraq dünya dövlətləri arasında rolunun və nüfuzunun möhkəmləndirilməsi məhz ümummilli lider Heydər Əliyevin adı ilə bağlıdır.

 

Z.Həsənov qeyd edib ki, möhtərəm Prezidentimiz cənab İlham Əliyevin rəhbərliyi altında regionun lider dövləti kimi beynəlxalq nüfuzunu və iqtisadi qüdrətini artıran ölkəmizdə iqtisadiyyatın dinamik inkişafı təmin edilib, əhalinin həyat səviyyəsi yaxşılaşdırılıb, respublikamızın müdafıə qüdrətinin artırılması sahəsində böyük uğurlara nail olunub və müstəqilliyimiz daha da möhkəmlənib.

 

Müdafiə naziri şəxsi heyətin hər bir üzvünə möhkəm cansağlığı, uzun ömür, ailə səadəti, təlimlərdə, eyni zamanda, döyüş hazırlığının artırılmasında uğurlar arzulayıb: “İnanıram ki, siz silah və texnikanın sirlərini dərindən mənimsəyəcək, bilik və bacarığınızı, ata və babalarımızın qəhrəmanlıq nümunələrindən bəhrələnərək döyüş qabiliyyətinizi daha da artıracaq, hər an dövlət müstəqilliyimizin qorunması və işğal olunmuş torpaqlarımızın azad edilməsi naminə döyüşə hazır olacaqsınız”.

 

Tarix
17 Oktyabr 2014 [16:10]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin