Ana səhifə Mobil versiya
28 May 2022

Azərbaycanda dollar bahalaşdı

Ötən ilin dekabrın sonlarından etibarən ölkədə fəaliyyət göstərən əksər banklar müştərilərinə dollar satmaqdan imtina ediblər. Ucnoqta.az xəbər verir ki, ilin sonunda 32 bankdan cəmi 6-sı dollar satırdı. Satılan məbləğin də maksimum miqdarı 100 dollar idi. Bayram ərəfəsində də ölkədə eyni vəziyyət müşahidə edildi. Yeni ilin ilk günlərindən etibarən isə bankların demək olar ki hamısı dollar satışından imtina edib. İndi 32 bankdan yalnız biri, yəni “Bank Silk Vey” müştərilərinə beynəlxalq hava limanında 100 dollar satır. Sərnişinlər uçuş biletini göstərməklə dollar əldə edə bilərlər. “Acsess Bank”da isə yalnız filiallarda dollar varsa, onu müştərilərinə satır. Belə olan halda banklarda dollar tapa bilməyən müştərilər “qara bazar”a müraciət edir. Qeyri-qanuni fəaliyyət göstərən “qara bazar”da isə nə qədər istəsən dollar tapmaq mümkündür. Özü də rəsmi məzənnədən bir neçə dəfə baha. İndi “qara bazar” da dolların satışı 1,98 AZN civarındadır. Bildiyimiz kimi, hazırda banklarla bağlı məsələlərə Maliyyə Bazarlarına Nəzarət Palatası rəhbərlik edir. Ancaq Palatadan bildirilib ki, bankların dollar satmamasının onlara aidiyyatı yoxdur. Çünki ölkədə pul siyasətini Mərkəzi Bank həyata keçirir. Mərkəzi Bankın Mətbuat Xidmətinin rəhbəri Namiq Əliyev isə öz növbəsində banklara nəzarət məsələsinin Palatanın səlahiyyətində olduğunu qeyd edib: “Mərkəzi Bank fərdi və individual banklarla işləmir. Ona görə də məsələyə münasibət bildirə bilmərik”. Maraqlıdır ki, hər iki qurumum rəsmiləri problemdən yayınaraq məsələni bir-birinin üstünə atmağa çalışırlar. Nəticədə zərər müştərilərə dəyir, onlar bankdan dollar ala bilmirlər və son variant kimi “qara bazar”a müraciət edirlər.///Qafqazinfo
Tarix
7 Yanvar 2022 [00:27]
Müəllif
Üç nöqtə
Digər xəbərlər
"Azərbaycanın maliyyə vəziyyəti yaxşılaşıb" - Samir Şərifov
Dollar lirə qarşısında bahalaşdı
Azərbaycanda nağdsız ödənişlərin həcmi kəskin artıb
Rubl rekord həddə BAHALAŞDI
Neft ucuzlaşıb
Azərbaycan nefti bahalaşıb
Dollara tələb artdı - HƏRRAC
Azərbaycan nefti bahalaşıb
Ağdam Sənaye Parkına 50 milyon manatdan çox pul qoyulacaq
Azərbaycan neftinin qiyməti artıb
2022-01-07 00:27:13
Xəbər xətti
Foto
Video
Çox oxunanlar
Sorğu
İnternetin sürətindən razısınız?
 bəli
 xeyr
 qismən
 bilmirəm
Virtual Qarabağ

© 2017 Ucnoqta.az

Əlaqə:+994012 539-19-05 +99455 559-90-05

E-mail adresimiz: [email protected]

Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

Ən son xəbərləri səhifəmizdən də izləyin