“Nətənz Nüvə Mərkəzində qəza “nüvə terrorizmi”nin nəticəsidir” - Əli Əkbər Salehi

19:58 - 11 Aprel 2021 - DÜNYA

"İranın Nətənz Nüvə Mərkəzində qəza hücum və “nüvə terrorizmi”nin nəticəsidir".

APA-nın məlumatına görə, bunu İran Televiziyasına açıqlamasında İran Vitse-prezidenti və İran Atom Enerjisi Təşkilatının rəhbəri Əli Əkbər Salehi bildirib.

Qeyd edək ki, bu gün səhər İran Atom Enerjisi Təşkilatının sözçüsü Behruz Kəmalvəndi  Iranın Nətənz Nüvə Mərkəzində qəza olduğunu, qəza nəticəsində insan tələfatı və çirklənmə baş vermədiyini, qəzanın səbəblərinin araşdırıldığını bildirib.

Ə. Ə. Salehi isə deyib ki, İran bu alçaq hərəkəti mühakimə edir və Beynəlxalq Atom Enerjisi Təşkilatını bu nüvə terrorizminə qarşı çıxmağa çağırır və müvafiq addımlar atmaq hüququnu özündə saxlayır.

Xəbər xətti