Ana səhifə
13 Noyabr 2018

“Azdrama”nın səhnəsində qalmaqal: “Ayaqqabımı başına vuracam”

Akademik Milli Dram Teatrında növbəti dəfə qalmaqal yaşanıb. 


Ucnoqta.az-ın məlumata görə, qalmaqal “Nazirin xanımı” tamaşası zamanı, elə səhnədə baş verib. Belə ki, tamaşada Xalq artisti Bəsti Cəfərova ilə eyni səhnəni bölüşən aktyorlar - Vüsal Mustafayev və Rada Nəsibovanın tamaşaçılar tərəfindən xüsusi alqışlanmaları tərəflər arasında narazılığa səbəb olub. Sonradan Vüsal Mustafayev və Rada Nəsibovanın tamaşaçılarla əl verib görüşmələri isə Bəsti Cəfərovanı daha da əsəbiləşdirib. O, ayaqqabılarını çıxardaraq, Rada Nəsibovaya “Səhnədən çıxın, yoxsa, gəlib bunu başınıza vuracam” deyib. 

Sonra isə o səhnənin arxasına keçərək bərkdən, hamının eşidəcəyi tonda Rada Nəsibovaya onu teatrdan qovduracağı ilə hədələyib: “Səni teatrdan, bu obrazdan çıxartdıracam”. 

Xalq artistinin ürəyi bundan da soyumayaraq direktora şikayət edib. Və bu insidentə görə Rada Nəsibova töhmət alıb.

Teatrdan onu da əlavə ediblər ki, Rada Nəsibova “Nazirin xanımı” tamaşasında əlacsızlıqdan rol verilib: “Həmin rolu teatrın aktrisası Məsmə Aslanqızı oynayır. Məsmə xanım uşaq dünyaya gətirdiyinə görə işə çıxmır. Ona görə də həmin obrazı Rada xanım oynayıb. Bəsti Cəfərova bir müddət öncə Tofiq Hüseynovu da tamaşaçı tərəfindən tərifləndiyinə görə roldan çıxartdırıb”.

Məsələ ilə bağlı adı çəkilən şəxslərin mövqeyini öyrənmək mümkün olmayıb. 

Rada Nəsibova AzNews.az-a bu məsələ ilə bağlı danışmaq istəmədiyini bildirib. Xalq artisti Bəsti Cəfərova isə yalnız “sağ olun” sözlərini deyərək telefonu söndürüb.

Qeyd edək ki, yazıçı-dramaturq Branislav Nuşiçin eyniadlı pyesi əsasında səhnələşdirilən “Nazirin xanımı” tamaşasının quruluşçu rejissoru Xalq Artisti Mərahim Fərzəlibəyovdur. Tamaşada əsas rolları Xalq artistləri Bəsti Cəfərova, Hacı İsmayılov, əməkdar artistlər Tofiq Hüseynov, Şəlalə Şahvələdqızı, Aslan Şirinov, Məsmə Aslanqızı, aktyorlar Vüsal Mustafayev, Ləman İmanova, Əminə Babayeva və başqaları ifa edirlər. (AzNews.az)

Tarix
9 Fevral 2015 [18:38]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin