Türkiyənin tanınmış aktyoru Rasim Öztəkin infarkt keçirdikdən sonra müalicə aldığı xəstəxanada vəfat edib.
“Haber Global”ın məlumatına görə, 62 yaşlı sənətkarın vəziyyəti dünən axşam saatlarında dostlarıyla mesajlaşdıqdan sonra pisləşib.
Ölkənin səhiyyə naziri Fəxrəddin Qoca “Twitter” səhifəsində mərhumun ölümüylə bağlı başsağlığı verib. O, Rasim Öztəkinin televizor olan hər evdə ailənin bir üzvü olduğunu qeyd edib.
R.Öztəkin bugünədək saysız-hesabsız teatr və ekran əsərlərində çəkilib. O, daha çox seriallarda ifa etdiyi obrazlarla tanınıb. Aktyor 2012-ci ildən bugünədək efirə gedən “Səksənlər” serialında baş rollardan biri - Fehmi Özdemir obrazının ifaçısı olub.