Cənubi Afrika Respublikasında (CAR) təcili tibbi yardım vertolyotu qəzaya uğrayıb. Ucnoqta.az xəbər verir ki, hadisə ölkənin cənub-şərqində yerləşən Kvazulu-Natal əyalətində qeydə alınıb. Bu barədə yanvarın 22-də “Sinhua” agentliyi məlumat yayıb.
Agentliyin məlumatına görə, göyərtəsində tibb işçilərinin olduğu vertolyot çağırışa gedən zaman Berqvill şəhərində qəfildən hündürlük itirərək yerə çırpılıb və partlayıb.
Bildirilir ki, qəza nəticəsində 1-i pilot və 4-ü tibb işçisi olmaqla ümumilikdə 5 nəfər həlak olub.
Hadisənin hansı səbəbdən baş verdiyi açıqlanmır.
Faktla əlaqədar araşdırmalar davam etdirilir.
Namiq Musayev