Polis əməliyyat keçirdi: Saxlanılanlardan 33 kq-dan artıq narkotik götürüldü

Daxili İşlər Nazirliyi (DİN) əməkdaşları bir neçə əməliyyat keçirib, saxlanılanlar var.

DİN-in Mətbuat xidmətindən Ucnoqta.az-a verilən məlumata görə, Baş Narkotiklərlə Mübarizə İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Bakı şəhər sakini, əvvəllər məhkum olunmuş E.Rüstəmov Xətai rayonu ərazisində saxlanılıb.

Şəxsi axtarış zamanı ondan 100 qram heroin aşkar edilərək götürülüb.

Davam etdirilən əməliyyat-axtarış tədbirləri ilə onun yaşadığı evdən isə 25 kq 286 qram heroin, 5 kq 156 qram metamfetamin və 1 ədəd elektron tərəzi aşkar edilərək götürülüb.

Bundan başqa, Baş Narkotiklərlə Mübarizə İdarəsi və Sumqayıt Şəhər Polis İdarəsi 4-cü Polis Bölməsi əməkdaşlarının daxil olan məlumat əsasında birgə keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Bakı şəhər sakini, əvvəllər məhkum olunmuş M.Ağabəyov Sumqayıt şəhəri ərazisində saxlanılıb.

Şəxsi axtarış zamanı ondan 3 kq 510 qram heroin aşkar edilərək götürülüb.

Tarix
15 Yanvar 2021 [12:16]
Müəllif
Üç nöqtə
Digər xəbərlər
2021-01-15 12:16:46
Xəbər xətti
Foto
Video
Çox oxunanlar
Sorğu
Tibbi maskalardan istifadə edirsiniz?
KİV
Virtual Qarabağ

Ən son xəbərləri səhifəmizdən də izləyin