Ana səhifə
14 Noyabr 2018

İki ayağını itirmiş əsgərimizdən xəbər var +FOTOLAR

Sərxan Tahirzadə: “Artıq protezlə gəzə bilirəm”

 

Avqustun 9-dan Türkiyədə müalicə olunan Azərbaycan Milli Ordusunun yaralı əsgəri Sərxan Tahirzadənin səhhəti tamamilə yaxşılaşıb. Həkimlər hər iki ayağı amputasiya edilən 19 yaşlı Sərxan Tahirzadəyə protez qoyublar və o, artıq sərbəst yeriyə bilir.

 

Ucnoqta.az” xəbər verir ki, bu haqda modern.az saytına Sərxan Tahirzadənin özü məlumat verib. “Artıq yeriyə bilirəm, səhhətim yaxşıdır, burdan Azərbaycana salam göndərirəm, səhhətimlə maraqlanan hər kəsə də təşəkkür edirəm”.

 

Sərxan Tahirzadə hazırda protezlə adaptasiya dövrü keçir. O, ötən ilin oktyabrında Lənkərandan hərbi xidmətə çağırılıb. 11 ay hərbi xidmət etdikdən sonra cəbhədə gedən döyüşlərdə ağır yaralanıb. Hadisə cəbhənin Ağdam istiqamətində gedən döyüşlər zamanı baş verib. Sərxan ailəsinin yeganə övladıdır.

 

Sərxan Tahirzadənin sözlərinə görə, onunla birgə Ankarada müalicə alan digər iki əsgərimiz- qarın nahiyəsindən ağır güllə yarası almış Elvin Əsgərov və  və bir gözünü itirmiş Ədalət Məmmədovun da səhhəti qaydasına düşüb. O, vətənə nə vaxt qayıdacaqlarının dəqiqləşmədiyini qeyd edib.

 

Azərbaycanın 3 yaralı əsgəri müalicə olunmaq üçün avqustun 9-da Türkiyə Cümhuriyyəti Baş Nazirliyinə bağlı olan TİKA təşkilatının dəstəyi sayəsində xüsusi tibbi təyyarə ilə Bakıdan Ankaraya aparılıb. Əsgərlərimiz Ankaradakı Atatürk Təhsil və Araşdırma Xəstəxanasına yerləşdiriliblər.

Tarix
14 Oktyabr 2014 [21:46]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin