Ermənistan Qarabağa terrorçuları köçürür- Deputat

Paşinyan hakimiyyəti terror təşkilatlarının Azərbaycanın işğal olunmuş ərazilərində yerləşdirilməsi ilə məşğuldur. Burada da ermənilərin əsas məqsədi yeni təxribatlara və müharibəyə hazırlaşmaqdır.

Ucnoqta.az xəbər verir ki, bunu Trend-ə Milli Məclisin deputatı Arzu Nağıyev deyib.
Deputat bildirib ki, PKK terrorçularının da işğal edilmiş ərazilərimizə köçürülməsi barədə məlumatlar kifayət qədərdir: “Bundan başqa ASALA terror təşkilatının da işğal edilmiş ərazilərdə peyda olması artıq faktdır, bu barədə ən yüksək kürsülərdən də məlumat verilir. Bunların əsas məqsədi muzdlulardan və terrorçulardan istifadə edərək Azərbaycana qarşı müharibəni davam etdirməkdir.

Azərbaycan Prezidenti cənab İlham Əliyev BMT Baş Assambleyasının 75-ci sessiyasının ümumi debatlarında çıxışı zamanı bu məsələni bir daha beynəlxalq ictimaiyyətin diqqətinə çatdıraraq bildirdi: “Ermənistan müxtəlif ölkələrdən muzdlular və terrorçular cəlb edir, onları Azərbaycana qarşı istifadə edir. Ermənistan terrorçuluğa sponsorluq edən ölkədir... Bizdə erməni ASALA terror təşkilatının işğal edilmiş ərazilərimizdə olması ilə bağlı etibarlı məlumatlar var”.

Terroçuların və muzdluların işğal edilmiş ərazilərimizə gətirilməsi və Azərbaycana qarşı istifadə edilməsinin daha bir əyani sübutu isə Ermənistan tərəfinin Tovuz hadisələri zamanı itkiləri barədə məlumat verməmələridir. Yəni ermənilər terrorçular və mudzlular barədə məlumatları daim gizlədirlər və ona görə də öz itkiləri barədə məlumat vermirlər.

İşğal edilmiş ərazilərə dinc əhali köçürülsəydi onlar yaxşı bilərdilər ki, bu ərazilər Azərbaycana məxsusdur və Azərbaycan gec-tez öz torpaqlarını tam şəkildə azad edəcək. Azərbaycanın işğal edilmiş ərazilərinə gətirilənlər müharibə üçün gələn muzdlulardır.

Tovuz hadisələrindən sonra Los-Ancelesdə və digər şəhərlərdə ermənilərin azərbaycanlılara qarşı təxribatları zamanı da hətta onların öz geyimlərinin arxasında ASALA yazması və dinc əhaliyə qarşı təxribatların törədilməsi də faktdır. Deməli onların bir-birləri ilə əlaqəsi var və bir-birlərinin “təbliği” ilə məşğuldurlar. Bu faktlar beynəlxalq təşkilatları maraqlandırmalıdır. Eyni zamanda ATƏT-in Minsk qrupunun həmsədrləri də bu məsələyə aydınlıq gətirməlidir”.

Tarix
25 Sentyabr 2020 [12:33]
Müəllif
Üç nöqtə
Digər xəbərlər
2020-09-25 12:33:58
Xəbər xətti
Foto
Video
Çox oxunanlar
Sorğu
Tibbi maskalardan istifadə edirsiniz?
KİV
Virtual Qarabağ

Ən son xəbərləri səhifəmizdən də izləyin