Mahir Emreli "Molde"yə məğlubiyyətin səbəblərini AÇIQLADI

"Komanda oyunu baxımından matçın yaxşı alındığını düşünürəm. Hərçənd, hər birimiz qol şanslarını qaçırdıq. Nəticədə görüşün taleyi penaltilər seriyasına qaldı. Penaltilər isə lotereya kimidir. Nə isə demək çətin olur".

Ucnoqta.az xəbər verir ki, bu fikirləri "Report"a açıqlamasında "Qarabağ"ın futbolçusu Mahir Emreli UEFA Çempionlar Liqasının III təsnifat mərhələsində Norveç "Molde"sinə penaltilər seriyasında uduzaraq mübarizəni dayandırdıqları oyun barədə danışarkən deyib.

23 yaşlı hücumçu bildirib ki, komanda öz oyununu daha da yaxşılaşdıraraq, Avropa Liqasının pley-off mərhələsinə hazırlaşmalıdır: "Onsuz da bu oyunu düşünəsi olsaq, heç nə dəyişməyəcək. Bu il də hədəfimiz Çempionlar Liqası və ya Avropa Liqasının qrupuna düşmək idi. İnanıram ki, hər birimiz qarşıdakı oyuna köklənərək Avropa Liqasının qrupuna vəsiqə qazanacağıq".

"Molde"yə məğlubiyyətin səbəblərini də açıqlayan Azərbaycan millisinin oyunçusu bunu son zərbələrdəki qeyri-dəqiqliklə əlaqələndirib: "Rəqib qapıçı da yaxşı oynadı. Futbol ictimaiyyətinin "Qarabağ"a inamı bizi doğrudan da sevindirir. Amma mən meydanı 105-ci dəqiqədə tərk etmişdim. Sonradan nəyin necə olduğunu bilmirəm. Səhv etmirəmsə, penaltini vurmağa kimin yollanacağını baş məşqçimiz Qurban Qurbanovun özü müəyyənləşdirirdi".

Qeyd edək ki, "Qarabağ" əsas və əlavə vaxtı qolsuz tamamlanmış oyunda "Molde"yə penaltilər seriyasında uduzub - 5:6. 

Tarix
17 Sentyabr 2020 [12:28]
Müəllif
Üç nöqtə
Digər xəbərlər
2020-09-17 12:28:08
Xəbər xətti
Foto
Video
Çox oxunanlar
Sorğu
Tibbi maskalardan istifadə edirsiniz?
KİV
Virtual Qarabağ

Ən son xəbərləri səhifəmizdən də izləyin