Bu gün səhər saatlarında Neftçala-Salyan avtomobil yolunun Salyan rayonunun Kürqaraqaşlı kəndindən keçən hissəsində ağır yol-nəqliyyat hadisəsi baş verib.
Neftçala şəhər sakini, 1984-cü ildə anadan olmuş Nicat Heydər oğlu Tağızadənin idarə etdiyi 99 FL 233 markalı “Mercedes E-240” markalı minik maşını ilə Salyan rayonunun Kürqaraqaşlı kənd sakini, 1952-ci ildə anadan olmuş Sərdar Nadir oğlu Zeynalovun idarə etdiyi 52 BK 273 dövlət nömrə nişanlı “VAZ-2106” markalı avtomaşın toqquşub. Hadisə nəticəsində “VAZ-2106”nın sürücüsü S.Zeynalov aldığı ağır xəsarətlərdən hadisə yerində keçinib.
Faktla bağlı araşdırma aparılır.///Virtualaz.org
