Valideynlərə övladlarının məktəbə gəlmə qaydası ilə bağlı seçim imkanı veriləcək. Valideynlər ya onlayn təhsili, ya da həftədə 2 və ya 3 dəfə məktəbə gələrək əyani təhsil almağı seçə biləcəklər.
Bunu Təhsil naziri Emin Əmrullayev bu gün keçirilən mətbuat konfransında deyib.
Nazir bildirib ki, məktəbdə şagirdlərin bədən temperaturu yoxlanılacaq: “Valideynlərə də müraciət edirik ki, əgər uşaqda temperatur olarsa, məktəbə gətirməmək məqsədə uyğundur”.