Bu gün Azərbaycanda Dövlət Bayrağı Günüdür

Azərbaycanda Dövlət Bayrağı Gününün qeyd olunmasına başlanılmasından 10 il keçir. 2009-cu il noyabrın 17-də Azərbaycan Prezidenti İlham Əliyevin Dövlət Bayrağı Gününün təsis edilməsi haqqında imzaladığı sərəncama əsasən, hər il noyabrın 9-u Azərbaycan Respublikasının Dövlət Bayrağı Günü qeyd olunur. Dövlət bayrağı Azərbaycan dövlətinin suverenliyinin rəmzidir. Bayraq eyni ölçüdə olan üç üfüqi rəngli zolaqlardan ibarətdir: yuxarıda mavi, ortada qırmızı, aşağıda yaşıl zolaq. Qırmızı zolağın mərkəzində ağ rəngdə aypara və səkkizguşəli ulduz təsvir olunub. Bayrağın mavi rəngi türkçülüyü, qırmızı müasir cəmiyyəti, demokratiyanı, yaşıl rəng isə islamçılığı tərənnüm edir. Azərbaycanın dövlət bayrağı 1918-ci il noyabrın 9-da Azərbaycan Xalq Cümhuriyyəti hökumətinin iclasında qəbul edilib. 28 aprel 1920-ci ildə Azərbaycan Xalq Cümhuriyyətinin süqutu və sovet hakimiyyətinin qurulmasından sonra üçrəngli bayraqdan imtina edilib. Bu bayraq növbəti dəfə 17 noyabr 1990-cı ildə ulu öndər Heydər Əliyevin təşəbbüsü ilə Naxçıvan Muxtar Respublikası Ali Məclisinin qərarı əsasında Muxtar Respublikanın Dövlət bayrağı kimi qəbul edilib. Həmin vaxt Naxçıvan Muxtar Respublikası Ali Məclisi Azərbaycan SSR Ali Soveti qarşısında üçrəngli bayrağın Azərbaycanın rəsmi dövlət rəmzi kimi tanınması haqqında vəsatət də qaldırıb. 1991-ci il fevralın 5-də Azərbaycan Respublikası Ali Soveti Naxçıvan MR Ali Məclisinin vəsatətinə baxıb və üçrəngli bayrağın Azərbaycanın Dövlət bayrağı kimi qəbul edilməsi haqqında qərar qəbul edib. 2009-cu ilin noyabrında Dövlət Bayrağı Günü ilə bağlı Əmək Məcəlləsinin 105-ci maddəsinə edilən əlavəyə əsasən, 9 noyabr Azərbaycanda Dövlət Bayrağı Günü ölkədə qeyri-iş günü olan bayramların siyahısına daxil edilib.
Tarix: 9 Noyabr 2019 / 08:51
Müəllif: Ucnoqta.az
Whatsapp-la göndərr
Ən çox izlənənlər

Sürücülərə ŞAD XƏBƏR: Mobil etibarnamə istifadəyə verilir

Prezident iki rayonun icra başçısını vəzifədən azad etdi- SƏRƏNCAM

Ronaldo “Yuventus”dan gedir

Xalq artisti villasını satışa çıxardı: 3 milyona- VİDEO

Millimizin düşərgəsində DAVA - Şeydayevlə Eddi üz-üzə gəldi

Van Damm Azərbaycana - Təşəkkür etdi

Bakıda yaşlı qadına kömək edən şəxs onun pulunu oğurladı

Sabahın havası- Bakıya yağış, rayonlara qar yağacaq

Maradona klubdan qovuldu

Bəhram Bağırzadənin elə görüntüləri üzə çıxdı ki... - FOTO

Bakıda sərnişin avtobusu mikroavtobusla toqquşub, xəsarət alanlar var

Ov itləri hamilə qadını öldürdü

Əhalinin gəlirləri açıqlandı – 46.7 milyard manat

Azərbaycanda boşananların sayı artıb - RƏSMİ

Şəmkirdə transformator yanıb

Göyçayda tələbəni maşın vurub

Avropa Komissiyası 8 ölkəyə xəbərdarlıq edib

Azərbaycanda polis əməkdaşı bıçaqlanıb

Menyular

Bağla