Modelyer mövsümün əsas trendlərini açıqladı

Bu il də rəngarəng, iri və xırda toxunuşlu, maraqlı naxışlı trikotajlar dəbdə olacaq.

Bunu Oxu.Az-a açıqlamasında Azərbaycan Milli Geyim Mərkəzinin rəhbəri, sənətşünaslıq üzrə fəlsəfə doktoru, tanınmış modelyer-dizayner Gülnarə Xəlilova builki payız mövsümünün dəbi haqqında danışarkən deyib.

Modelyer bildirib ki, ağ, qara və qırmızı rənglər dəbdə öz aktuallığını qoruyan rənglərdir:
“Bu il payız mövsümündə zoğalı, süd rəngi, xardal, göyün bir çox tonları, bişmiş kərpic rəngi, boz kimi rənglər dəbdə olacaq. Ümumiyyətlə, bir çox rəng tonları gündəmdədir. Öndə olan rənglərdən bej, şaftalı çiçəyi rəngi, açıq tonlar daha çox istifadə ediləcək.

Payız mövsümü rənglərin çeşid bolluğu ilə özünü göstərəcək. Demək olar ki, dizaynerlər təbiətdə olan heç bir rəngin “xətrinə dəyməyib”. Kolleksiyalarda üslublara görə fərqli və müxtəlif rənglər istifadə olunur”, - deyə modelyer bildirib.

Gülnarə Xəlilova qeyd edib ki, ziyafət geyimlərində ipək, güpür, tafta, qaşlı, lələkli və muncuq işləməsi olan parçalar istifadə olunacaq:
“Klassik üslubdakı geyimlər, həmişə olduğu kimi, bu il də gündəmdə olacaq. Gündəlik həyatda insanların rahatlığını təmin edən idman üslubu hər zaman gündəmdədir. Eyni zamanda, küçə üslubundakı fərqli geyim tərzləri də aktual olacaq. Trikotajlar və naxışlı parçalardan hazırlanan geyimlər üstünlük təşkil edəcək. Çiçəkli parça kolleksiyaları isə çiçəklərin böyüklüyünə və kiçikliyə görə seçiləcək.

Trikotajlardan pencək, şalvar və palto formaları da aktual olacaq. Ümumiyyətlə, həm rahatlıq baxımından, həm də daha çox istifadə olunduğu üçün trikotajlardan hər formada hazırlanan geyim nümunələri təqdim olunub. Çiyinlərdə həcm, assimmetrik kəsimlər, çoxlu xətlər, iri valanların olması bu ilin dəbinin əsas detallarını təşkil edəcək.

Kənd romantikası adlanan geyim üslubunda isə xırda gül-çiçək naxışları istifadə olunacaq. Hər il olduğu kimi, bu il də retro üslubu gündəmdədir. Ümumiyyətlə, retro üslublar hər mövsüm dəbdə olur. Çünki dəb qanunlarına əsasən, köhnə illərdə istifadə olunan üslublara müraciət edilir.

Hər yeni dəb tarixində köhnələr də qayıdır. Dizaynerlər onları maraqlı interpretasiyada təqdim edirlər. Bu payız mövsümündə geyimlərdə minimalizm də özünü gpstərəcək. Yəni sadəlik hökm sürəcək. Çünki minimalizm üslubunda çoxlu detal, bəzək və naxışlar istifadə olunmur”.

Modelyer son illərdə üst geyimlərində daha çox balonka və dutik gödəkçələrə üstünlük verildiyini vurğulayıb:
“Qaz tükündən və sindifondan olan fərqli dutiklər və balonko kurtkaların hər forması rahat olduğu üçün daha çox istifadə olunur. Onların həm qısa gödəkçələri, həm uzun plaş forması, həm də palto formaları dəbdədir.

İnsanlar tərəfindən onlara böyük maraq və sevgi var. Hətta məşhur bir brend belə dutikdən gəlinlik hazırlamışdı. Təbii və qeyri-təbii dəri və xəzlər də aktual olacaq”.

Gülnarə Xəlilova əlavə edib ki, aksesuarlardan sırğa, boyunbağı və qolbaqlar dəbdə olacaq:
“Uzun illərdir ki, aksesuarlar dəbdədir. Onlarsız geyimimizi təsəvvür edə bilmirik. Şapka, çanta, eynək, şərflər, sırğa, qolbaq, boyunbağı və digər əşyalar aksesuarlara aiddir. Onlar hər mövsüm, hər il fərqli formalarda dəbə daxil olur”.

Tarix: 8 Noyabr 2019 / 10:21
Müəllif: Ucnoqta.az
Whatsapp-la göndərr
Ən çox izlənənlər

Novruz Məmmədova bu gün vəzifə veriləcək

Bakının bu qəsəbəsində su olmayacaq

Hacıqabulda evakuator "KamAZ"la toqquşub

Bu gün Milli Məclisin növbəti plenar iclası keçiriləcək

ABŞ üç ölkəyə qarşı sanksiya tətbiq etdi

Bəslədiyi buğa müəllimi öldürdü - FOTO

Eldar Əzizov direktoru işdən çıxardı

Bakıda evlərdən oğurluq edən qadın tutulub - FOTO

İlham Əliyev Pirşağı dəmir yolu stansiyasının açılışında- Foto- (YENİLƏNİB)

Üç avtobus toqquşdu: 11 ölü, 25 yaralı - FOTO

Avtomobil şəhərin ortasında qaynar suya batdı: Ölənlər var - VİDEO

Cəfər Cabbarlı həftəsi keçiriləcək

Erməni silahlı bölmələri atəşkəsi pozub

Abşeronda bir evi 3 dəfə qarət edən dəstə tutulub

Sərnişin avtobusu TIR-la toqquşdu: 2 ölü, 20 yaralı - FOTO

Sabirabadda fərdi yaşayış evi yanıb

Pulsuz ərzağa görə uşaqlar əzildi - Video

Narın daha bir faydası üzə çıxdı – Damarları tıxananlar oxusun

Menyular

Bağla