<font color=red><b>"Kemerovoda yanğında ölən və xəsarət alanlar arasında azərbaycanlılar yoxdur"</b></font>
10:58 - 26 Mart 2018 tarixində dərc olunub.
Rusiyanın Kemerovo vilayətində ticarət mərkəzində baş verən yanğında ölən və xəsarət alanlar arasında azərbaycanlılar olmayıb.
Ucnoqta.az xəbər verir ki, bu barədə APA-ya Kemerovodakı Azərbaycan icmasının sədri Fikrət Qasımov bildirib. Onun sözlərinə görə, bu gün Azərbaycan icması adından vilayət rəhbərliyinə və yanğında ölənlərin ailələrinə yaxınlarına baş sağlığı verilib: "İlkin məlumatlara görə, yanğında ölənlər və yaralılar arasında həmyerlilərimiz olmayıb".
Qeyd edək ki, dünən Rusiyanın Kemerova şəhərində "Qış albalısı" ticarət mərkəzində baş verən yanğın nəticəsində 53 nəfər ölüb, 16 nəfər isə itkin düşüb. Ölənlərin sayının daha çox olması ilə bağlı məlumatlar var.
