Ermənistanın Baş naziri Nikol Paşinyan ölkənin hələ Avropa Birliyinə qoşulmaq üçün namizəd statusuna hazır olmadığını etiraf edib.
Ucnoqta.az xəbər verir ki, o, yerli televiziya kanalları tərəfindən yayımlanan brifinqdə bildirib.
"Referenduma gəldikdə, referendum bunun üçün əsas olduqda keçiriləcək. Bu əsasın mövcud olması üçün Ermənistan ən azı rəsmi olaraq Aİ üzvlüyünə müraciət etməli və ya Aİ üzvlüyünə namizəd statusuna malik olmalıdır. Bunların heç biri hazırda mövcud deyil, çünki biz obyektiv olaraq hazırda hazır deyilik. Bilirik ki, bu statusa hazır deyilik; islahatlar aparmalıyıq", - deyə Baş nazir qeyd edib.
Eyni zamanda, Ermənistanın Baş naziri Yerevanın islahatları mümkün qədər tez həyata keçirməyə çalışacağını bildirib.
Paşinyan həmçinin bildirib ki, Ermənistan Aİİ-dəki üzvlüyündən məhrum edilə bilməz. "Aİİ bütün qərarları konsensus yolu ilə qəbul edir və buna görə də Ermənistanın veto hüququ var", - deyə o bildirib.