Mütəxəssislər stresslə mübarizə aparmağınıza kömək edə biləcək üç qidanı müəyyən ediblər.
Ucnoqta.az xəbər verir ki, bunlardan biri də tərkibində xeyli miqdarda antioksidan olan tünd şokoladdır.
Bu elementlər bədəndə stress hormonu kortizol səviyyəsini azaltmağa kömək edir. Həkimlər, hətta arıqlamağa çalışanlar üçün belə, gündəlik qida rasionunuza 40 qram tünd şokolad daxil etməyi məsləhət görürlər.
Başqa bir qida isə immun sistemini gücləndirən, qan damarlarını xolesteroldan təmizləyən və əhval-ruhiyyəni yaxşılaşdıran omeqa yağ turşuları ehtiva edən avokadodur.
Qızılbalıq, tuna, siyənək və skumbriya kimi müəyyən balıq növləri də omeqa yağ turşuları ilə zəngindir. İmmun sistemini gücləndirmək, ürək-damar funksiyasını yaxşılaşdırmaq və nəticədə emosional tarazlığı təşviq etmək üçün onlar yeyilməlidir.